Улуттук коопсуздук комитетинин төрагасы Камчыбек Ташиевдин тапшырмасынын негизинде былтыркы жасалган жолго 6 чакырым жол кошулат. Бул тууралуу маалыматты Ноокат райондук админстрациясынан тастыкташты.
Маалыматка ылайык, учурда былтыркы курулган жолдун 2-катмары асфальтталып жатат. Ошондой эле, Зулпуев айыл өкмөтү менен Жаңы-Ноокат айыл өкмөттөрүнүн ортосундагы 6 чакырым жол жаңы курулууда.
«Эки компания эки тараптан куруп баштаган. Шаардын ичиндеги жол муруңку план боюнча эки катар болгон болсо, жаңы планда 4 катар көрсөтүлгөн. Булардын бүткөрүү убагы 1-октябрга белгиленген. Учурда кызыл сызыктагы имараттарды сүрдүрүү иштери жүрүүдө»,- деп айтылат маалыматта.