Өзгөн районунун Мырза-Аке айылында өспүрүм бала сууга чөгүп каза болгону боюнча өздүк булактардан маалым болгон. Маалым болгондой, өспүрүм талма оорусу менен жабыркаган.
Окуяны Ош облусттук ички иштер башкармалыгынан тастыктап, төмөнкүлөрду билдиришти.
«30-июль күнү Өзгөн райондук ички иштер бөлүмүнө Мырза-Аке айыл аймагынын 2008-жылы туулган Т.Б. аттуу тургуну (жаш өспүрүм) талма ооруусу кармап сууга жыгылып окуя болгон жерде каза болгондугу боюнча маалымат келип түшкөн. Бул факты каттоого алынып, тергөөгө чейинки текшерүү иштери башталган»,- деп айтылат маалыматта.
Текшерүүнүн жүрүшүндө маркумдун жансыз денесине соттук медициналык экспертизанын өткөрүүдөн ата-энеси жана жакын туугандары баш тартышкандыктан, сырттан кароо жүргүзүлүп, туугандарына өткөрүлүп берилген.
Учурда тергөөгө чейинки текшерүү иштери уланууда.