Сүрөт: «Турмуш» басылмасы
Ош шаарындагы Ош айыл чарба техникумунун короосундагы 4 кабаттуу үй Мамлекеттик мүлктү башкаруу фондуна өтөт. Бул тууралуу Ош шаардык муниципалдык менчик башкармалыгынын башчысы Алтынбек Пирматовго шилтеме берип “Турмуш” басылмасы жазды.
Анын айтымында, аталган имарат муниципалдык баланска өткөн. Азыркы күндө Мамлекеттик мүлктү башкаруу фондуна өткөрүү процесси жүрүүдө.
“Ал имарта муниципалдык баланска өткөн. Учурда аны Мүлк фондуна өткөрүү иштери жүрүүдө. Ош шаарындагы муниципалдык баланска кайткан имараттардын баары Мүлк фондуна өткөрүлөт”,- деди ал.
Пирматов аталган имараттан сырткары дагы кайсыл объектер Мүлк фондуна өтөрү боюнча тактаган жок.
Буга чейин Улуттук коопсузду боюнча мамлекеттик комитет Ош айыл чарба техникумунун короосундагы 4 кабаттуу үй жери менен чогуу мамлекетке кайтарылгандыгын билдирген болчу. Аталган үй А.С.га таандык экени айтылган.
Маалымат үчүн: А.С. инциалдары менен берилген адамдын аты-жөнү Айыл чарба техникумун көп жыл жетектеген Сейит Аматовдун аты-жөнүнө дал келет.
Иликтөөчү, эркин журналист Ыдырыс Исаков биринчилерден болуп Аматовдор кланы Оштогу Айыл чарба техникумунун бир капталын менчиктештирип алганын жазган.