Кара-Кулжа районуна караштуу Ылай-Талаа айыл өкмөтүнүн башчысы Эргешбаев Бактыбек Абдылдаевич айтылуу Алайкуунун уулу. Жогорку билимдүү. ОГПИнин дене тарбия факультетин аяктаган. 1996-жылы Ж.Субанов атындагы орто мектепте мугалим болуп иштөө менен эмгек жолуна чыйыр салган. 2021-жылы Алайкуу айыл өкмөтүнүн башчысы болуп эмгектенген. Учурда Кара-Кулжа районунун Ылай-Талаа айыл өкмөтүнүн башчысы кызматын аркалап, аймакты ар тараптан өнүктүрүүнүн алкагында эмгек жасап келүүдө. Айылдык кеңештин үч жолку чакырылышынын депутаты болуп шайланган. Көп жылдык эмгеги бааланып бир катар сыйлыктар менен сыйланган. Кара-Кулжа райондук мамлекеттик админист- рациясынын, Алайкуу айыл өкмө- түнүн, айылдык кеңешинин Ардак гамоталарынын ээси. Биздин кезектеги иш сапарыбыз Кара-Кул- жа районунда уланып, анын алка- гында Ылай-Талаа айыл өкмөтүнүн ишмердүүлүгүнөн кабар алганбыз. Ылай-Талаа айыл өкмөтүнүн кеңсесине баш бакканыбызда аталган аймактын башчысы Эргешбаев Бактыбек Абдылдаевич тосуп алды. Биз айыл өкмөттө аткарыл- ган иштер туурасында баарлашып кайтканбыз. Анда кеп башынан болсун.
Ирилешкен Ылай-Талаа
«Эшигин көрүп төрүнө өт» дегендей биз Ылай-Талаа айыл өкмөтүнүн кеңсесине кирип бара жатканда мындагы тазалыкты, бардык шарттар ирети менен коюлуп, иштөө тартиби мамыр-жумур жүрүп жатка- нына күбө болдук. Ар бир келген жарандын суроо-талаптарына ийкемдүүлүк менен жооп берип, иштеп жаткан кызматкерлерди көрүп, башкалар да ушулардан үлгү алса болчудай деп ичибиз жылыганын жашыра албайбыз. Бардыгын ирээтке келтирип, иштөө тартибин туура жолго койгон ал- бетте, жетекчинин эмгеги экени белгилүү. Жакында өлкө боюнча аймактарды бириктирүү саясаты жүрүп, анын алкагында Ылай-Талаа айыл өкмөтү Чалма айыл өкмөтү менен биригип, ири аймакты түзгөн. Анын алкагында тогуз айылды камсыздап, 18 миңге жакын калк отурукташкан. Билим берүү тармагында 10 мектеп, 8 балдар бакчасы балдардын билим-тарбия алуусуна кызмат кылат. Ал эми калк саламаттыгын көзөмөлдөгөн эки аймактык оорукана, жети ФАП, үч үй-бүлөлүк дарыгерлер топтору жайгашып, мында иштеген ак халатчандар ден соолук сакчылыгында турушат. Айылдык үч клуб, айылдык төрт китепкана, жаштарды спортко тарткан алты спорттук аянтчалар бар. Калктын дээрлик көпчүлүгү мал чарбачылыгы менен алектенип, тоолуу элдин үй-бүлөлүк бюджетин толуктап турат. Дыйканчылык менен алектенген калктын саны жылдан жылга артып барууда.
Демилгелүү аракеттер
Калктын социалдык абалын жакшыртууга жана айыл жергесине ыңгайлуу шарттарды жаратууда айыл өкмөттүн аркалаган иштери арбындуу. Алардын кээ бирине токтоло турган болсок, саламаттыкты сактоо тармагында Ылай-Талаа айылындагы Ак-Терек ФАПтын имараты АРИС уюмунун каржылоосунда капиталдык ремонттон өткөрүлүп, калк керегине тапшырылган. Токбай-Талаа айылдык ооруканасын капиталдык ремонттон өткөрүп беришкен. Билимдүү жаштар келечектин жарчысы. Өспүрүмдөрдүн билим алуусуна, наристелердин бала бакча менен камсыз болуп, туура тарбия, мыкты билим алуулары үчүн билим берүү тармагын айыл өкмөт башчысы Бактыбек Эргешбаев тыкыр көзөмөлгө алып, алгылыктуу колдоолорду берип келет. Осмонов атындагы орто мектептин терезелери пластик терезелерге алмаштырылып, ремонт иштери алынып барылган. О.Абдылдаев атындагы орто мектептин айланасы көрктөндүрүлүп, керектүү техникалык каражаттар алынып берилген. Ж.Ибраимов атындагы толук эмес орто мектебинин окуучулары үчүн атайын стипендия уюштурулуп, Ж.Айтбаев атындагы орто мектебине спорттук зал курулган. Ал эми балдар бакчаларына кайрылсак, Токбай-Талаа айылындагы балдар бакчасынын кошумча кааналары ремонттон өткөрүлүп, Чалма балдар бакчасынын кем-каржысы толукталган.
Ошондой эле Ылай-Талаа айыл өкмөтү кышка толук даяр экенин аймак башчысы белгилеп өттү.
«Негизинен биз саламаттыкты сактоо жана билим берүү тармактарына жакшы көңүл буруп, аларга керектүү шарттарды колдон келишинче түзүп берүүгө аракеттерди көрүүдөбүз. Калктын саламаттыгы чың болсо, тунук, зирек жаштар жетилип, билимдүү келечек түзүлөт. Ошондуктан биздин аймактын мүмкүнчүлүгүн келечек муундардын таалим-тарбиясына басым жасап жатабыз. Ал эми кышка даярдык боюнча айтсам, биздин аймак кышка толук даяр. Кышкы отун-суубузду камсыздап алдык. Мектептерге, балдар бакчаларына, маданиий мекемелерге толук кара отун жеткирилди», -дейт Бактыбек Абылдаевич.
«Жолу оңдун иши оң» деп айтылгандай аймакта жол куруу, жолдорду оңдоп-түзөө иштери да көз жаздымда калган эмес. Дегенибиздей, Ылай-Талаа айыл өкмөтүн аралап өткөн автожолдун 5 км. 600 метр жерине асфальт төшөлүп, пайдаланууга тапшырылды. Бул жумуш республикалык бюджеттен каржыланып, жол белгилери толук орнотулган. Аймактын оңдоого муктаж болгон ички жолдору ремонттолуп, жайлоого барчу жолдор тегизделип, калкка ыңгайлуу шарттар жаралып келүүдө. Ал эми калкты таза суу менен камсыздоодо Сары-Таш айылына ичүүчү таза суу системасын тартылып келинген.
«Негизинен суу тартыштыгы бардык жерде эле бар. Аны алдын алууда ар бир үйгө суу эсептегичтерин орнотуу планым бар. Айылдык кеңештин депутаттарына да сунуштадым, алар колдошту. Ушуну ишке ашырып ал- сак, сууну коромжусуз пайдаланууга өтөт элек», -дейт айыл өкмөт башчысы.
Аймакта түнкү чырактарды орнотуу, электр мамычыларын жаңылоо, жолбун жаныбарларды жок кылуу, санитардык-гигиеналык абалды сактоо колдоого алынып, мектеп, балдар бакчаларына, маданий клуб, китепканаларга чарбалык каржылары камсыздалып, аларга берилүүчү каражат кезексиз бөлүнүп келет. Жакында тазалык, таза суу жана жайыт комитеттери биригип айыл өкмөттүн алдындагы муниципалдык ишкана болуп ачылып, ишин баштаган. Аларды техника менен камсыздоодо жергиликтүү бюджеттен бир камаз үлгүсүндөгү оор техника сатып алышкан.
«Биздин аймак тоолуу болгондуктан оор техниканын күчүнө муктажбыз. Ошондуктан колдон келишин- че оор техникаларды насыя жолу менен болсо да алууга аракеттерди көрүүдөбүз. Себеби, жылдын төрт мезгилинде тең жаратылыш кырсыктарына кабылып, аны менен күрөшүүдө техникалардын жардамы зарыл болуп келүүдө. Буюрса, бул планыбызды ишке ашыруунун жолдорун караштырып жатабыз»,- дейт жетекчи.
Аймакты алга сүрөгөндөр
Ылай-Талаа айыл өкмөтүндө тажрыйбалуу кадрлардын арасын жаш кадрлар толуктап келүүдө. Темирбек Жунусов айыл өкмөт башчысынын орун басары, жооптуу катчы кызматын аркаласа, Алмамбет Козубаев ФЭБ башчысы кызматында иштеп, аймактын казынасын башкарып келүүдө. Ибраим уулу Уланбек коомдук коопсуздук, турак-жай коммуналдык менчик, экологиялык бузуулар боюнча башкы адис кызматында тер төгүп келатат. Жыпаргүл Дүйшөева санариптештирүү жана IТ технология, Е-кызмат, санарип аймак, ЭДБ, маалыматтарды берүү боюнча башкы адис болуп иштөө менен аймактын ишин алга жүргүзүүдө. Мамасали кызы Орозгүл юрист, бухгалтердик эсеп жана кирешелер боюнча башкы адис кызматында болсо, Санжарбек Исмаилов жер ресустары жана өсүмдүктөрдү өстүрүү, жайыт маселелери боюнча жетектөөчү адис болуп иштеп, эмгегин элине арнап келүүдө. Урматбек Боронбаев, Анара Моношева, Айтбек Жунусалиев, Турдали Ташматов, Сулайман Осмоналиев, Сүйүмкан Даниярова жана башка кызматкерлер алдына коюлганмил- детти абийрдүүлүк менен аркалап, айыл өкмөт башчысы Бактыбек Эргешбаевдин изги идеяларын ишке ашырууда бир жакадан баш, бир жеңден кол чыгарып, ынтымакта ийгиликтерди арттырып келишүүдө. Дегенибиздей, иштин көзүн билген, ар кандай шарттарда туура жолду тандап, эл үчүн эмгегин арнап келе жаткан тажрыйбасы мол Бактыбек Эргешбаев калк арасында кадыры бийик инсан. Кайрылган ар бир жаранга жигиттик парзын бекем кармап, жоопкерчиликтүү мамиле кылган жетекчи жамаат арасында да сый-урматка татып келүүдө. Анын аткарган ар бир эмгеги элдин көз алдында. Маек учурунда да ар бир жа- ранды жылуу мамилеси менен кабыл алып, алардын суроо-талаптарына так жооп берип жатканына күбө болдук. Баарына тегиз мамиле жасап, улууга урмат, кичүүгө ызат көрсөтүп, үлгүлүү жетекчи экенин баалашарын айтат жергиликтүүлөр.
Ойдогудай өткөн облустук семинар
Ушул жылдын сентябрь айында Ылай-Талаа айыл өкмөтү облустук семинар уюштуруп, семинар өз максатына жеткен. “2022-жылдын жыйынтыгы менен Ылай-Талаа айыл өкмөтү облустан “Жылдын мыктысы” номинациясына татыктуу болгон. Ошонун алкагында облустук деңгээлде тажрыйба алмашуу семинарын өткөрдүк. Семинарга облустук бийликтен жана башка райондордун айыл өкмөт башчылары, шаар мэрлери катышышты. Семинар өз жемишин берип, бизден алган тажрыйбаны башка аймактарга да жайылтуу маселеси ишке ашты. Бул да биздин аймактын чоң жетишкендиги деп эсептейбиз”,-дейт Бактыбек Эргешбаев.
Н.Өмүрзаков