![КАМЧЫ КӨЛБАЕВДИН УЮШКАН КЫЛМЫШТУУ ТОБУНУН МҮЧӨСҮ ИРИ АКЧА МЕНЕН КАРМАЛДЫ КАМЧЫ КӨЛБАЕВДИН УЮШКАН КЫЛМЫШТУУ ТОБУНУН МҮЧӨСҮ ИРИ АКЧА МЕНЕН КАРМАЛДЫ](https://oj.kg/wp-content/uploads/2023/08/whatsapp-image-2023-08-09-at-10.38.49-1.jpeg)
Ири суммадагы акча каражатын алып жаткан учурунда К.Асанбектин уюшкан кылмыштуу тобунун мүчөсү О.у.Н. кармалды. Бул тууралуу УКМКнын басма сөз кызматы билдирди.
Маалыматка караганда, ушул жылдын 8-августунда УКМК тарабынан Кылмыш-Жаза кодексинин 208-беренесинин 8-бөлүмүнүн 2-пункту (Опузалап талап кылуу) боюнча козголгон кылмыш ишинин алкагында, мурда үч жолу соттолгон, учурда Юстиция министрлигине караштуу Жазаларды аткаруу кызматынын №31- мекемесинде жаза мөөнөтүн өтөп жаткан 1984-ж.т. Нарын облусунун тургуну О.у.Н. кармалган.
Ал акыркы алты ай бою шантаж жана күч колдонуп зомбулук көрсөтөм деп коркутуу жолу менен жабырлануучудан дайыма акча каражатын алып турган.
Кармалган О.у.Н. УКМКнын тергөө камак жайынын убактылуу кармоочу жайына киргизилди.
Учурда ыкчам-тергөө иш-чаралары жүргүзүлүп жатат.
![КАМЧЫ КӨЛБАЕВДИН УЮШКАН КЫЛМЫШТУУ ТОБУНУН МҮЧӨСҮ ИРИ АКЧА МЕНЕН КАРМАЛДЫ](https://oj.kg/wp-content/uploads/2023/08/whatsapp-image-2023-08-09-at-10.38.51-1.jpeg)