![Кыргызстандын атынан Казакстанга 300 тонна гумжардам жөнөтүлдү Кыргызстандын атынан Казакстанга 300 тонна гумжардам жөнөтүлдү](https://oj.kg/wp-content/uploads/2024/04/65030f39-b2b1-4ed2-a44e-b9741d9089b0-1024x577.jpg)
6-апрелде Кыргызстан суу каптоодон жабыр тарткан боордош казак элине гуманитардык жардам жөнөттү. Бул тууралуу ӨКМден кабарлашты.
Маалыматка ылайык, түнкү саат 4:00дө Өзгөчө кырдаалдар министрлигинин гумжардам кербенин министр, генерал-майор Бообек Ажикеев Бишкек шаарынан узатты.
«Президент Садыр Жапаровдун тапшырмасы менен жалпы 300 тонна гумжардам даярдалган. Суу каптоодон жабыр тарткан Казакстандын калкына күрүч, кумшекер, кесме, таттуу азыктары, кийим-кече, электр буюмдары, матрац жана чатырлар жеткирилет»,- деп айтылат маалыматта.
![Кыргызстандын атынан Казакстанга 300 тонна гумжардам жөнөтүлдү](https://oj.kg/wp-content/uploads/2024/04/a2329c93-add3-4888-8707-60e41dfce079-1024x577.jpg)
Өлкөнүн атынан кетип жаткан гумжардам кербени ӨКМ тарабынан ишке ашат.
Казакстандагы суу каптоодон улам 16 миңдей эл, 6000 жаш балдар эвакуацияланган. Убактылуу пункттарында 4миңден ашуун жаран, анын 200дөй бала жайгашкан.