Буга чейин кармалган мурдагы жана азыркы жетекчилерден апелляциялык даттануу түштү. Блу тууралуу Ош облустук сотунун басма сөз кызматы билдирди.
Маалыматка караганда, алардын апелляциялык арызын кароо 5-августка дайындалган.
УКМК сел сууларын агызууга арналган жерлердин мыйзамсыз жеке менчикке өтүп кетиши боюнча мурдагы жооптуу кызматкерлер кармалганын билдирген.
Айрым ЖМКлар жазгандай, алар Ош шаарынын экс-мэри Жасур Азимов, Ош шаарынын мурдагы башкы архитектору Алтынбек Токошев, Ош шаардык муниципалдык менчик башкармалыгынын мурдагы башчысы Ашимжан Семетеев, Кара-Суу районунун Отуз-Адыр айыл өкмөтүнүн башчысы — «Кадастр» мекемесинин Ош шаары боюнча мурдагы башчысы Иляз Сансызбаевдер УКМК тарабынан кармалган.
Алардын бөгөт коюу чарасы Ош шаардык соту тарабынан тандалып, ушул жылдын 18-сентябрына чейин камакта калтырылган.