Ош мэриясынын имаратына бомба коюлгандыгы тууралуу маалымат жалган болуп чыкты. Бул тууралуу Ош ШИИБдин баса сөз катчысы Замир Сыдыков билдирди.
Анын айтымында, милиция башка укук коргоо органдары менен мэриянын имаратын толук текшерип чыкты. Натыйжада жарылуучу зат табылган жок.
«Мурда маалмдаганыбыздай Ош шаардык ички иштер башкармалыгына 12:36да Ош шаардык мэриясына бомба коюлгандыгы тууралуу маалымат түшкөн. Маалымат Ош мэриясынын кызматкеринин электрондук почтасына келгендиги белгилүү болгон. Ал бизге кабарлаган.
Башка укук коргоо органдары менен биргеликте, атайын кызматтардын жардамы менен мэриянын имараты толугу текшерилип, андагы кызматкерлер менен мэрияга келген жарандар сыртка чыгарылган. Имарат толук каралып бүтүп, эч кандай жарылгыч зат табылган жок. Маалымат чындыкка дал келбегендиги аныкталды. Саат 15:10 мүнөт өткөндө мэриянын кызматкерлерине имаратка кирип, иштөөгө уруксат берилди»,- деди ал.