Франциянын президенти Эммануэль Макрон «Телеграмдын» негиздөөчүсү Павел Дуровдун кармалышы боюнча комментарий берди. Анын айтымында, бул саясий чечим эмес жана Дуровдун 24-августта Париждин аэропортунда кармалышы тергөө иштеринин алкагында болгон.
«Павел Дуров камакка алынгандан кийин Франция тууралуу жалган маалымат окудум. Сот бийлиги мыйзамды толук көз карандысыздыкта аткарышы керек. «Телеграмдын» жетекчисинин кармалышы дагы эле уланып жаткан процессуалдык тергөө ишинин алкагында болду. Бул эч кандай саясий чечим эмес. Чечимди соттор чыгарат»,- деп жазды Макрон социалдык түйүндөгү баракчасына.
26-августа Париждин прокуратурасы Павел Дуровдун кармалышы боюнча билдирүү жарыялады. Ага ылайык, тергөө иштери 8-июлда башталган. Ишкердин камактагы мөөнөтү 28-августта бүтөт.
Париждин прокурору Лаура Беккюо кол койгон билдирүүдө төмөнкү айыптар боюнча тергөө жүрүп жактаны айтылат:
-Уюшкан кылмыштуу топтун ичинде мыйзамсыз трансакцияларды максатында онлайн платформанын веб-мастерлигине шериктештик кылуу;
-Компетенттүү органдарга суралган маалыматты же документтерди берүүдөн баш тартуу;
-Жашы жете электердин порнографиялык сүрөттөрүн сактоого шериктеш болуу;
-Уюшкан кылмыштуу топтун курамында жашы жете электердин порнографиялык сүрөттөрүн таркатууга катышуу;
-Баңгизаттарды сатып алуу, ташууга, сактоого жана сатууга шериктеш болуу;
-Маалыматтарды иштетүү тутумдарына мүмкүнчүлүк алуу үчүн иштелип чыккан ыңгайлаштырылган жабдууларды, аспаптарды, программаларды же маалыматтарды сатууга же мыйзамсыз өткөрүп берүүгө катышуу;
-Уюшкан аладмчылыкка шериктеш болуу;
-Кылмыш же укук бузуулар үчүн кылмыштуу чөйрөнү түзүүдө беш же андан ашык жылга эркинен ажыратуу каралган;
-Уюшкан топтун курамында укук бузуулардын же кылмыштардын натыйжасында алынган кирешелерди легализациялоо;
-Сертификатталган деклрациясыз купуялуулуктуу камсыз кылуу үчүн криптографиялык кызматтарды көрсөтүү;
-Алдын ала кулактандырбастан аутентификациядан же файлдын бүтүндүгүнө мониторинг жүргүзүүдөн да көптү камсыз кылган криптографиялык курал менен камсыз кылуу;
-Алдын ала эскертүүсүз аутентификацияны же файлдын бүтүндүгүн көзөмөлдөөнү камсыз клыган криптографияны импортоо.
Дуровдун ишин Санариптик кылмыштуулукка каршы күрөшүү борбору жана Алдамчылыкка каршы улуттук бюро тергеп жатат.