Бүгүн, 18-июль күнү Ош шаарына Борбордук базарга уланып, АК-Буура дарыясынын үстүнө курулган мыйзам көпүрөлөр алына баштады. Бул иштерге соодагерлер каршылышгын билдирип чыгышты.
«Бул жердин барын бузуп салышыптыр. Азыр бул жакта контейнердин айынан бир аял өз өмүрүнө кыйып ала жаздады. Макул бизге келип 3-4 күн мурун эскертүү берсин, биз товарларды алып чыгып кетмекпиз. Бүгүн келип эскертүүсү жок эле баарын бузуп жатат. Бизге башка жерден орун таап берсин, макул көчүп кетебиз, азыр эми товарлар менен кайда барабыз», -деди соодагер Мирбек Жунусов.
Деген менен Ош шаардык муниципалдык менчик башкармалыгынын башчысы Алтынбек Пирматов азырынча болжолдуу гана 10 көпүрө бузула турганын билдирди.
«Азырынча көпүрөлөр бүзүлүп жатат, контейнерлерди кийинчерээк алабыз. Шаардык кеңеш тарабынан бизге тапшырма берилген, базардагы өз билемдик менен салынган көпүрөлөрдүн баардыгы алынсын деп. Ошонун негизинде бүгүн иш-чара башталды, азыр көпүрөнүн үстүндөгү соода борборлору алынып жатат (көпүрөнүн үстүндөгү контейнерлер). Мыйзамдуу курулган гана көпүрөлөр калат дагы, мыйзамсыз деп табылгандар бузулат. Азыр болжолдуу түрдө 10го жакын көпүрөлөрдү бузууну карап жатабыз, бул болжолдуу гана. Азыр архитектура иштеп жатат, комиссия түзүлгөн, ошол комиссиянын негизинде алына турган участкалар гана алынат», — деди А. Пирматов.